GURASOEN BULETINA
(6)
Guraso agurgarriok:
2003-04 ikasturtea bukatu da. Uztailaren 15a baino lehenago web guneko
datu ia guztiak datorren kurtsokoak izango dira. Azkenak irailean
gaurkotuko ditugu. Bigarren Hezkuntzako ikasleen eremu pribatuko menu
batzuk ere itxita egongo dira edukiak berritu arte.
2004-05 ikasturteak berri batzuk ekarriko ditu:
-Pili Goñi andereñoa Axularren 30 urte baino gehiago
egon ondoren jubilatzen da. Bihoakio hemendik gure esker ona.
-Euskal Sarirako Kalitate Memoria aurkeztu dugu. Urria-azaroan Euskaliteko
ebaluatzaileak Ikastolara etorriko dira. Langile, Zuzendaritza eta
Kalitate Taldeen esfortzua handia izan da. Bere fruitua izango duelakoan
gaude.
-DBH 3ko ikasleek aurtengo "Axular News" urtekaria kaleratu
dute. Edizio elektronikoa hemen aurkituko duzu.
-Ikastolaren Eguna arrakasta handiz ospatu genuen. Aurten 450 pertsona
baino gehiagok parte hartu genuen. Argazkien
atalean irudi batzuk aurkituko dituzu. Partaide eta laguntzaile
guztiei mila esker.
Irailera arte! Oporrak ongi pasa!
--------------------------------
:: Bisita
Birtuala :: Etxetik irten gabe Ikastola bisita dezakezu.
:: Argazkiak
:: Bi argazki album berri dauzkagu: Ikastolaren
Eguna eta 3
urteko haurrak eta DBH 2koak elkarrekin.
:: Erreportaiak
:: Familiaren
egoerari buruzko ikerketa-lana eta Umearen
eskubideak izenburuko erreportaiak argitaratu ditugu.
---------------------------
DBHko 3 ikasle Coca Colak
antolatzen duen Literatur Lehiaketako Euskadiko finalera iritsi
dira. Informazio gehiagorako hemen
begira ezazu. Nahi baduzu, iragarki-taularen
bidez zorion ditzakezu.
14. promozioak Axularren
bere ikasketak bukatu ditu. Agurraren ekitaldia datorren larunbatean,
hilak 19, ospatuko dugu. Informazio gehiago hemen
aurkituko duzu.
Irailera arte.
Ikastolaren Eguneko bazkaria
Legezko
oharra: Mezu
hau eta berarekin batera izan litzakeen dokumentuak informazio pribatu
eta konfidentziala daukate, soilik hartzaileari zuzenduta daudenak.
Mezu honen jatorrizko hartzailea ez bazara eta bere bitartez aipatutako
informaziora iritsi bazara, mezua ezabatu eta jakinaraz iezaguzu,
mesedez. E-mailen igorketak ez du bermatzen mezua segurua edo akatsik
gabekoa izan dadin. Hori dela eta, ezin dugu ziurtatu informazio
osoa eta guztiz zehatza izatea. Edozein kasutan, Axular Lizeoak
ez die inolaz ere zure helbide eltronikoa hirugarren pertsonei emango.
