Guraso agurgarriok:
Honez gero dakizuenez, gure Kooperatibaren Baltzuaren estatutuen 24
artikuluan ezarritakoaren arabera, Artezkaritza Kontseiluak Axular
Lizeoa, Koop. Elk.aren Ohiko Batzar Nagusira dei egiten du. Batzarra
2005eko otsailaren 22an egingo da, arratsaldeko 7:00etan lehen deialdian,
eta, hala balegokio, 7:30ean bigarren deialdian, erakundeak Donostia
herriko Arostegi kalean, 10zk.an dituen lokaletan.
Hona hemen:
GAI ZERRENDA
Aurreko Asanbladako Aktaren irakurketa.
2004 Oroitidazkia, Balantze-Egoera eta Galera-Irabazien
Kontuen aurkezpena, onestea eta emaitzen aplikazioa hala badagokio.
Artezkaritza Kontseiluko zati baten berritzea.
Kooperatibaren irudi juridikora hainbat dokumentuen
egokitzapena: ZHP, Hauteskundeen Arautegia, Barne Erregimen Arautegia.
Honen berrezpena hala badagokio.
“Balio publikoaren aitorpen” eskaera,
kooperatibarentzat.
Galdera-erantzunak.
Zuen partaidetza espero dugu.
-----------------------
:: Argazkiak
::
Inauteriko albuma aurtengo argazkiekin berritu dugu. Beste album
honetan Gero Axular Euskal Dantza Taldeko argazkiak aurkituko
dituzue Lantzeko Inauteria Alderdi Ederren antzeztu baitzuten. Udaltzaingoak
argazki hauek bidali dizkigu. Bertan Ikastolan eman zuten Bide Heziketako
ikastaroaren irudiak daude.
:: Guraso
Eskola :: Atal
honetan hitzaldietako laburpenak biltzen ditugu. Axularreko
irakaslea den Jesus Mari Ansuategik eman behar zuen "Eskola
eta teknologia berriak: XXI mendeko erronkak" izenburuko hitzaldia,
elurra zela eta, martxoaren 9ra arte atzeratu dela gogoratu. Hitzaldien
egutegi eguneratua hemen
aurkituko duzue.
:: Haurralde
:: Haurralde Fundazioarekin 1997 urteaz geroztik elkartasun
proiektu pedagokikoa aurrera daramagu, gure ikasleen baloreetako
hezkuntzan eragina duen proiektua, alegia. Oraingoan Haurraldetik
laguntzeko modu erraza proposatzen digute. VISA euro 6000 txartelaren
bezeroa baldin bazara guztiz dohainik ”Erradicación
del trabajo y explotación laboral infantil mediante educación,
India” izenburuko proiektuaren aldeko botoa webgune
honetan emateko eskatzen dizugu. Boto gehien lortzen duen proiektuak
diru saria izango du. Gainera, DBH eta Batxilerreko ikasleak proiektuan
parte hartzen ari dira.
Haurralde Fundazioarekin garatzen ari garen proiektuaz gehiago jakiteko
hemen
begira dezakezu.
Haurralde Fundazioaren webgunera hemen
sakatuz gero sartu ahal izango zara.
Proiektu honen irudi batzuk hemen
aurkituko dituzu.
Ikasle baten idazlana irakurtzeko hemen
begiratu..
---------------------------
Hurrengo ikasturteari begira Axular.neteko eremu
batzuk hobetu eta berregituratu nahi ditugu. Hori dela eta, webgunea
hobetzeko edozein iradokizun ongi etorriko zaigu. Horretarako foro
hau daukazue. Ideia guztiak kontuan hartuko ditugu eta gure
posibilitateen arabera zuen nahiak betetzen saiatuko gara.
Ikastolen Federazioak antolatzen dituen ingeles,
frantses eta euskara praktikatzeko udalekuetarako matrikula jadanik
irekita dago. Informazio zehatza eta inskripzio buletina hemen
aurkituko dituzu.
Datorren otsailaren 23an, asteazkena, Guraso Eskolaren
barruan "Alzheimerrarekin elkarbizi" izenburuko hitzaldia
egongo da. Matia Fundazioko psikologoak diren Maider Matillak eta
Carmen Hernándezek emango dute hitzaldia Areto Nagusian 18:00etan.
Ekitaldi hau Matia Fundazio eta Axular Lizeoaren arteko kolaborazioaren
ondorioa da, Belaunaldien Arteko Bolondres Programa bezalaxe. Programa
horretaz gehiago jakin nahi baduzu, hemen
begira dezakezu.
Buletin hau erredaktatzeko unean Axular.net 78.000
bisitara iristen bada ere, urtarrilean 75.000ra heldu zen. Gurasoen
Buletina 300 familia baino gehiago jasotzen ari zarete, Ikastolako
familien ia %60a. Datu horiek gure aurreikuspen baikorrenak gainditu
dituzte, eta horregatik webguneari eman diozuen harrera ona eskertu
nahi dizuegu.
Hurrengora arte!
Lizentziatuak paraninforako bidean.
Legezko
oharra: Mezu
hau eta berarekin batera izan litzakeen dokumentuak informazio pribatu
eta konfidentziala daukate, soilik hartzaileari zuzenduta daudenak.
Mezu honen jatorrizko hartzailea ez bazara eta bere bitartez aipatutako
informaziora iritsi bazara, mezua ezabatu eta jakinaraz iezaguzu,
mesedez. E-mailen igorketak ez du bermatzen mezua segurua edo akatsik
gabekoa izan dadin. Hori dela eta, ezin dugu ziurtatu informazio
osoa eta guztiz zehatza izatea. Edozein kasutan, Axular Lizeoak
ez die inolaz ere zure helbide eltronikoa hirugarren pertsonei emango.
Buletin hau berriro
jaso nahi ez baduzu hemen
klikatu eta e-maila bidali.
