Guraso agurgarriok::
Urtea amaitzen ari da, eta berarekin batera kurtso honetako lehenbiziko
lauhilabetea. Oporrak abenduaren 20an hasiko dira eta urtarrilaren
9an bukatu. Azken egunean, asteartean, eskolak goizez soilik izango
dira. Gogoratu egun horretan jangela-zerbitzurik ez dela izango, baina
ume guztiei txistorra emango zaie hamaiketako moduan. Txikiak baserritar
eta artzainez jantzita etorriko dira (ez ahaztu txapelak eta zapiak
bezalako osagarriak beraien izenez markatzea).
Bestalde, Olentzerori Antigua auzoan 23an egingo zaion harreran parte
hartzen animatu nahi zaituztegu. Pio Barojako zuhaiztitik arratsaldeko
7etan abiatuko da. Aukera ona izango da haurrek ikastolan ikasitako
abestiak praktikatzeko.
Urtero bezala, Batxilerreko
boluntarioek, Axular
Musika Eskola eta Gero
Axular Dantza Taldearekin batera Eguberriko jaialdia antolatzen
dute Matia Fundazioan.
23an izango da.
Azkenik, Geroko dantzariek 24ko Olentzeroren kabalgatan parte hartuko
dute. Loiola kaletik 18:00etan abiatuko dira.
Jarraian Axular.net-eko berrikuntzak zerrendatzen dizkizuegu.
-Gure zuzendariak, Jesus Etxaniz, ikastetxe desberdin
eta irakasle-eskola bat bisitatu zituen Finlandian, Euskal Herriko
Irakaskuntza Kooperatiben Federazioak antolatutako ekitaldi baten
barruan. Informazio gehiagorako hemen
klikatu.
-Ohi denez, Seaskako egutegia Idazkaritzan salgai
daukazue. Gogoratu egutegi horren salmentarekin bildutako dirua Iparralde
eta Nafarroako ikastolentzat dela.
-Axularren Kirol Gipuzkoarraren Lehen Jardunaldiak
ospatu ditugu. Esteka
honetan programa dago, eta beste
honetan artikulu bat.
-Lehen Hezkuntzako haurrek plastikoa birziklatzeko
edukigailu berria daukagula jakinarazten digute. Hona
hemen informazioa.
-Euskalitek,
kalitaterako euskal iraskundeak, Axularreko webgunearen erabilpen
pedagogiko eta komunikatiboari buruzko azalpen bat aukeratu du "Kudeaketa
Onen Bigarren Topaketetarako". Esteka
honetan informazio gehiago dago.
Familian jai zoriontsuak pasa ditzazuela opa dizuegu.
Zorionak eta urte berri on!
Legezko oharra: Mezu hau eta berarekin batera izan litzakeen dokumentuak informazio pribatu eta konfidentziala daukate, soilik hartzaileari zuzenduta daudenak. Mezu honen jatorrizko hartzailea ez bazara eta bere bitartez aipatutako informaziora iritsi bazara, mezua ezabatu eta jakinaraz iezaguzu, mesedez. E-mailen igorketak ez du bermatzen mezua segurua edo akatsik gabekoa izan dadin. Hori dela eta, ezin dugu ziurtatu informazio osoa eta guztiz zehatza izatea. Edozein kasutan, Axular Lizeoak ez die inolaz ere zure helbide eltronikoa hirugarren pertsonei emango.
