GURASOEN BULETINA (27)
Guraso agurgarriok:
Ikasturte berriarekin eta oporraldien ondoren, gure buletinak ere denboraldi berri bati hasiera ematen dio.
Bigarren Hezkuntzako gelako lehenengo bileretan, notak eta oharrak webgunearen bitartez jasotzeko zerbitzu berriaz informatuko zaizue. Zerbitzu hori nahi duzuen guraso guztiok erabili ahal izango duzue bileran bertan banatuko zaizkizuen erabiltzaile-izen eta pasahitz pertsonalen bidez. Bertaratzen ez direnei postaz helaraziko dizkiegu. Zerbitzua pasa den ikasturteko azken hiruhilean proiektu pilotoa izan zen DBH 1 eta 2n. Beharrezkoak ziren azken ikutu eta ezarpenak egin eta gero, hemendik aurrera bigarren hezkuntza osora zabaltzen dugu. Zuen gustukoa izatea espero dugu.
Ildo beretik, ikasgela
birtualaren erabilpena 12 eta 18 urte bitarteko ikasle
guztien eskura dago.
Horrez gain, Axular.net-eko
menuak eguneratu ditugu 2006-07 ikasturteko informazioa izan dezaten.
Tutore, liburu, bilera, ordutegi eta ekintza osagarriei dagokien guztia
hezkuntza zerbitzuen atalean aurkituko duzue, HHn,
LHn,
DBHn
eta Batxilerren.
Eskolaz
kanpoko ekintzen atala eta kirolena
ere berrituta daude, bait jangelako menuena eta autobusen ordutegiena
ere.
Gure foroetan (iragarki-taula,
iradokizunak,
guraso
eskola eta ikasle
ohiak) Ikastolarekin eta zuen artean komunikatzeko bide
irekia duzuela gogoan izan.
Hasi berri den ikasturte hau guztiontzat probetxugarri izatea espero dugu.
---------------------------------
:: Argazkiak
:: Pasa den ikasturte bukaerako album batzuk ezin izan genituen
azken buletinean iragarri. Hona hemen: DBH
3 eta 4 Hossegoren, LH
3 eta 4 Sastarrainen, 3
urteko haurrak Gaztelun, 4
urteko haurrak Orion, 5
urteko haurrak Orion, 2
urtekoak Bidanian, LH
5 eta 6 Orion eta DBH
1 eta 2 Aralarren.
:: Artikulu
orokorrak :: Irakurzaletasuna nola piz daitekeen adierazten
duen artikulu
berri bat argitaratu dugu eta, garaia denez, oporren
ondorengo ikastolara bueltatzeari buruzko artikulu
zahar bat errekuperatu dugu.
---------------------------------
-Kilometroak
06 urriaren 1ean Oiartzunen ospatuko da Haurtzaro ikastolak
antolatua.
-Axularreko hiru ikasle ohi kirolean arrakastaz ari
dira: Aritz
Martínez eta Ion Kortaberria Euskadiko saskibaloi
selekzioarekin, eta Ane
Urtxegi British Girls golf txapelketan.
-Gero
Axular Dantza Taldea ere arrakastaz aritu da Belgikako
InzadaFest festibalean eta Croisille-sûr-Briance-n (Frantzia).
Esteka
honetan argazkiak ikusi eta haurrek egunero festibaletik
bidaltzen zituzten kronikak irakur ditzakezue. Gero Axular Taldeak
ere Euskal Jaietan Konstituzio Enparantzan dantzatu zuen. Sasi Artean
emanaldia ETBk grabatu zuen, eta seguruenik irailaren 23an gauez lehenengo
kanalean emango dute. Irailaren 29an Sasi Artean ikuskizuna Aretxabaletan
izango da.
-2006-07 ikasturteko beken deialdia ireki da. Esteka
honetan informazio gehiago aurkituko duzue.
-Gure ikastola Tarragonako Rovira i Virgili Unibertsitateak
antolatu duen MoodleMoot'06 kongresuan izan da. MoodleMoot Moodleko
pedagogo eta programatzaileen bilera da. Gure ikasgela
birtuala Moodle izeneko ikaskuntza-irakaskuntza plataforma
informatikoan oinarritzen da
-Udak gure ikaslea izan zen Alda Naiara Estévez
en heriotzaren berri ekarri digu. Alda ezagutu genuen guztiok maite
genuen, eta ezagutu genuen ikaskide, guraso eta langileok bere alaitasunaren
oroitzapena beti ere gogoan izango dugu.
Une latz hauetan Axularreko hezkuntza-komunitatea osatzen dugun guztiok Estévez-Goñi familiari gure elkartasuna azaldu nahi diogu.
Ez adiorik, Alda, beti arte baizik.
Alda Naiara Estévez
Legezko oharra: Mezu hau eta berarekin batera izan litzakeen dokumentuak informazio pribatu eta konfidentziala daukate, soilik hartzaileari zuzenduta daudenak. Mezu honen jatorrizko hartzailea ez bazara eta bere bitartez aipatutako informaziora iritsi bazara, mezua ezabatu eta jakinaraz iezaguzu, mesedez. E-mailen igorketak ez du bermatzen mezua segurua edo akatsik gabekoa izan dadin. Hori dela eta, ezin dugu ziurtatu informazio osoa eta guztiz zehatza izatea. Edozein kasutan, Axular Lizeoak ez die inolaz ere zure helbide eltronikoa hirugarren pertsonei emango.
Buletin hau berriro
jaso nahi ez baduzu hemen
klikatu eta automatikoki sortuko den e-maila bidali. Eskerrik
asko.
