GURASOEN BULETINA (37)
Guraso agurgarriok:
Buletin honi albiste on batekin hasiera ematen diogu. EFQM (Zilarrezko
zein Urrezkoa Qa) duten Euskadiko enpresa guztiak biltzen dituen 400
Klubak 2007ko berrikuntza praktika onenaren saria Axular Lizeoaren
praktika bati mena dio, hots, "Software askearen erabilpena pertsonen
formaziorako eta baliabideen kudeaketarako: eskola birtual irekia"
izenburuko praktikari. Euskalitek,
Kalitaterako Euskal Iraskundeak, aukeratutako 8 praktiken aurkezpen-ekitaldia
Zamudioko Teknologi Parkean izan zen. Gurekin batera Euskaltelek,
Eroskik, Colegio Vizcayak, Durangoko Maristak, CTI Soft-ek eta Osakidetzak
beren praktikak aurkeztu zituzten. Osakidetzaren kasuan bi praktika
izan ziren. Saritua 400 Klubeko bertaratuen botoez erabaki zen.
Txostena Juan Ezeiza eta Xabier Larretxea irakasleek aurkeztu bazuten
ere, meritua Axularreko hezkuntza-komunitate osoarena da.
Zorionak guztioi!
---------------------------------
:: Argazkiak
:: Album berriak: DBH
2koak Azkonan, LH
1ekoak Cristina Enean, LH
4koen igeriketa-ikastaroa, Pagoetako
erletegietara bisita, Gero
Axularreko txangoa Adarrara, txontxongiloak
Loiolan, Fraisorora
bisita eta DBH
3ko frantseseko ikasleen trukaketa.
:: Artikulu
orokorrak :: Hiru artikulu berri argitaratu ditugu: umeen
tikak, seme-alabak
eta euskara: aholkuak eta ume
delinkuenteak egiteko dekalogoa.
:: Guraso
Eskola :: Honez gero lehenengo bi hitzaldien laburpenak
web gunean daude: Ipuin
klasikoaren garrantzia eta irakurketan
nola motibatu, alegia. Menu
honetan hitzaldien 54 laburpen aurkituko dituzue, eta beste
honetan aurtengo hitzaldien egitaraua.
---------------------------------
-Gehienbat elbarrituz osaturiko Lasercart enpresarekin
hitzarmena dela eta, hemendik aurrera ikastolan CDak, DVDak, disketeak,
bideoak eta kaseteak ere berziklatzen ditugu. Zuek ere berzikla ditzakezu
fotokopiagailu-gelan dagoen edukigailua erabiliz. Hemen
albistea zabaltzen dugu.
-Irailaren 29an Francoren garaian beren lana klandestinitatean
egin behar izan zuten andereñoei
omenaldia eman zitzaien. Ekitaldian Axularreko 4 andereño
zeuden: Pili, Bittori, Arrate eta Maite.
-Gero
Axular Kultur Elkarteko lagunek mendi-saila ireki dute. Printzipioz,
hileko hirugarren igandero ikastolako familia guztiei irekitako txangoak
antolatuko dituzte. Inskripzioa egiteko inprimakiak zuen seme-alaben
bitartez helaraziko zaizkizue. Hemen
duzue albistea.
-Aurten ere bigarren hezkuntzako ikasleek India eta
Eritreako 12 haur apadrinatu dituzte Haurralde
GKEren bitartez. Oraingoan 2.036€ bildu dituzte umeen mantenu
eta heziketa ordaintzeko. Hori dena hezkuntza-proiektu baten barne
dago, dirua bidaltzearekin bukatzen ez dena. Menu
honetan ikus dezakezue.
-2008ko Danborradarako entsaioak hasi dira. Hemen
dago albistea, eta hemen
gure danborradari buruzko informazio gehiago ikusiko duzue.
-Batxilerreko ikasle eta irakasleek osatzen duten
Axular
Kultur Taldeak beren lana erakusten duen web gunea prestatu dute.
Hemen
ikus dezakezue.
Hurrengora arte!
Legezko oharra: Mezu hau eta berarekin batera izan litzakeen dokumentuak informazio pribatu eta konfidentziala daukate, soilik hartzaileari zuzenduta daudenak. Mezu honen jatorrizko hartzailea ez bazara eta bere bitartez aipatutako informaziora iritsi bazara, mezua ezabatu eta jakinaraz iezaguzu, mesedez. E-mailen igorketak ez du bermatzen mezua segurua edo akatsik gabekoa izan dadin. Hori dela eta, ezin dugu ziurtatu informazio osoa eta guztiz zehatza izatea. Edozein kasutan, Axular Lizeoak ez die inolaz ere zure helbide eltronikoa hirugarren pertsonei emango.
Buletin hau berriro
jaso nahi ez baduzu hemen
klikatu eta automatikoki sortuko den e-maila bidali. Eskerrik
asko.
