Guraso agurgarriok:
Otsailean, Danborrada pasa eta gero, Inauteria ospatu dugu. Aste
Santua gertu dago eta laster batxilergoko ikasle alemanekin trukaketa
egingo dugu. Betiko moduan, hile honetan Axular.net-en
izan diren berrikuntzak azalduko dizkizuegu.
---------------------------------
:: Argazkiak
:: Argazki-album berriak: Inauteriak,
DBH
eta HHko haurrak elkarrekin, Gouretten
eskiatzen eta Bruesako
jokalariek ikastola bisitatzen dute.
:: Artikulu
orokorrak :: Ama baten iradokizunari esker, Santa
Agedako jaiari buruzko artikulua argitaratu dugu.
:: Guraso
Eskola :: CIVERTICE proiektuaren barruan, Nafarroako
Unibertsitateak eskaini zigun Messenger
erabilera arduratsuari buruzko hitzaldiaren laburpena argitaratu
dugu. Gogoratu esteka
honetan hitzaldien laburpen guztiak aurkituko dituzuela.
:: Osasuna
:: Ez ahaztu osasun-atalean,
besteak beste, haurren txerto eta osasun-miaketez, drogomenpekotasunen
prebentzioaz, anorexiaz, asmaz edo zorrien tratamenduaz informazioa
badagoela.
---------------------------------
-Unai
Arrese-Igor, DBH 1eko ikaslea dena, Lasarteko haurren krossean
garaile suertatu zen. Bestalde, Estatu Batuetan ikasten ari den
Xabier
Etxenike, Axularreko ikasle ohia dena, Nevadako saskibaloi-txapelduna
izan da bere taldearekin (Reno High School). Unai edo Xabier zoriondu
nahi badituzu, gure
iragarki-taula erabil dezakezu.
-Pasa den otsailaren 20an Axular Lizeoa Kooperatiba
Elkartearen Ohiko
Batzar Nagusia izan zen. Bertan, aurreko akta, 2007ko ekonomi
txostena eta 2008ko aurrekontua onartzeaz gain, frontoian laster
egingo diren berrikuntza-lanez eta ikastolako teknologia berrien
programaz ere informatu zen.
-Gero Axular Mendi Taldeak beste txango bat egin du.
Oraingoan Xoldokogaina
mendira (Lapurdi).
-Datorren martxoaren 1ean, larunbata, Gero
Axular Dantza Taldeak Lamien Basoa ikuskizuna Egiako Gazteszenan
aurkeztuko du. Informazio gehiago esteka
honetan.
-Aurreko buletinean Ikasgela
Birtual berria aurki irekiko zela iragartzen genuen. Edukiak
migratu behar izan dituzten irakasleentzat eta zerbitzari berri
bat instalatu eta konfiguratu behar izan duen teknologia berrien
taldearentzat lan eskerga izan bada ere, Bigarren Hezkuntzako ikasleek
honez gero Ikasgela Birtual berrian lan egin dezakete. Migrazio
honi esker, tresnaren azken bertsioa martxan daukagu zerbitzari
aurreratu batean eta bi sarbiderekin: Interneten bidezkoa, ikasleek
etxetik lan egin dezaten, eta Intraneten bidezkoa, Axularren barruan
erabil dezagun 100MB segunduko abiadurarekin.
Hurrengora arte!
