Guraso agurgarriok:
Uztailaren erdialdeaz geroztik, gure webgunea www.axular.net
guztiz eguneratuta dago 2009-10 ikasturteko ordutegi, irakasleria,
garraioa, eskolaz kanpokoak eta bestelako informazioekin. Iraileko
bigarren astean zehar webgunea kudeatzen duen aplikazioa, DMCorporative,
berritu dugu. Orain funtzio berriak eta edukien kargan abiadura
handiagoa dauzkagu.
Ikasturte berri honetan Ikasys proiektua Lehen
Hezkuntzako 2. mailatik 6.era hedatuko dugu, iaz piloto izan baikinen.
Gainera, proiektua urtarrilean DBHko lehen ziklora ere hedatzea
espero dugu. Horretarako ordenagailu eramangarriz hornitutako
hirugarren armairua erosi dugu. Lehen Hezkuntzako 3. zikloan aurrera
eramatenb den Txanela IKT proiektua DBHko lehen
ziklora hedatuko da, Ostadar IKT izenarekin.
Hori dela eta, dagokien ikasgelak ordenagailu eta proiektore finkoz
hornitzen ari gara. Ikusten duzuenez, proiektuak ez dira falta.
Hala ere, albiste guztiak ez dira onak. Abuztuaren 31an gaitz
batek iaz jubilatu zen Jose Antonio Goñi
atezain ohia eraman zuen. Axularreko langile, guraso, ikasle eta
ikasle ohi guztion izenean Miren alargunari eta
familia osoari doluminak azaldu nahi dizkiogu.
Ez adiorik, Jose Antonio!
---------------------------------
:: Argazkiak
:: Argazki-album berriak: 2
urteko haurrak Bidanian, Gero
Axular Orioko aterpetxean, 19.
promozioaren agurra, LH
2. mailako ikasleak Astitzen, LH
1. mailako ikasleak Arritxulon eta Gero
Axular Dantza Taldea Witzenhausen-eko (Alemania) Europäische
Jugendwoche jaialdian.
---------------------------------
-Batxilergoko
19. promozioaren agurra.
-Bertsolaritza-saioa
Antzoki Zaharrean.
-Maider Bilbao eta Carla
Martiarena, Malagako XXI Certamen de Jóvenes Investigadores
delakoan saritutako ikasleek astebete pasa zuten Madrilgo CSIC-en
(Centro Superior de Investigaciones Científicas) proiektu
bat garetzen Xabier Larretxea irakaslearekin
batera. Hona
hemen albistea.
-Gorka
Bereziartua
ikasle ohiak kazetaritzako Rikardo Arregi saria lortu du.
-Ikastolako
antzerki-taldeko partaideak eta DBHko ikasleak diren Iker
Ibarra, Xabier Tilves, Iñaki
Arenas, Jon Ezeiza, Jon Altzibar
eta Oier Andak Donostiako 21. Gazteen Antzerki
Topaketan sarituak izan ziren Asier Sota beren
irakasleak zuzendutako Seixinbol obrarekin.
-Xabier
Larretxeak
eta Juan Ezeizak, ikastolako irakasleak direnek,
Udako Euskal Unibertsitatean gure Ikasgela Birtuala (www.axular.eu)
aurkeztu zuten.
-Mikel
Motos
Europako saskibaloi-txapelduna da Lituaniako finaletan U16 selekzioan
parte hartu ondoren.
-Gure
ikasle ohia eta bertsolaria den Agin Rezolak
Lizardi saria lortu du.
-Irati
Salsamendi
Txintxarri aldizkarian elkarrizketatu dute.
-Barne
Araudi berria argitaratu da.
-2009-10
ikasturteko beken deialdia.
-Munduko
Bigarren Gerran alemanen eremuan eroritako piloto aliatuak babestu
eta muga pasatzen laguntzen zien Comète
sareko partaideek ikastola bisitatu eta Batxilergoko ikasleei
historia biziko eskola eman zieten.
-Urriaren 4an Donostian ospatuko den Kilometroak
antolatzen duen Zurriola ikastolak bolondresak eskatzen ditu ekintza
ezberdinetan laguntzeko. Albistea
hemen sakontzen da.
-Unai
Arrese-Igor
Espainiako piraguismo-txapelketan bigarren sailkatu da.
Hurrengora arte!
Jose Antonio Goñi
Legezko
oharra: Mezu
hau eta berarekin batera izan litzakeen dokumentuak informazio
pribatu eta konfidentziala daukate, soilik hartzaileari zuzenduta
daudenak. Mezu honen jatorrizko hartzailea ez bazara eta bere
bitartez aipatutako informaziora iritsi bazara, mezua ezabatu
eta jakinaraz iezaguzu, mesedez. E-mailen igorketak ez du bermatzen
mezua segurua edo akatsik gabekoa izan dadin. Hori dela eta, ezin
dugu ziurtatu informazio osoa eta guztiz zehatza izatea. Edozein
kasutan, Axular Lizeoak ez die inolaz ere zure helbide eltronikoa
hirugarren pertsonei emango.
