Guraso agurgarriok:
Lehen lauhilekoaren bukaerarekin batera, Eguberriko oporraldia dator.
Ikastolako azken egunean, hots, abenduaren 18an, eskolak goizez
bakarrik izango direla gogoratu. Umeentzat txistorra egongo da.
Txikiak artzain edo baserritarrez jantzita etortzea komenigarria
da (osagarri, txapela, zapi eta abarretan izena jarri, mesedez).
Ez ahaztu azken egun horretan jangela-zerbitzurik ez dela izango.
Oporrek datorren urtarrilaren 7ra iraungo dute.
Buletin hau aprobetxatu nahi dugu honakoak gogorarazteko:
-
Santo Tomas egunean Batxiler 2ko ikasleek
Zuloaga Enparantzan postua izango dute. Gero Axular Dantza
Taldeak ere bere postua izango du Konstituzio Enparantzan. Laguntzea
oso erraza da. Txistorra jan eta zerbait edatera hurbildu besterik
ez duzue egin behar.
-
Aurten berriro ere Gero Axular Dantza Taldeak
Olentzerori harrera egingo dio abenduaren 22an, aitona-amonei
Zorroagan eskaintzen zaien jaialdiaren ondoren. Olentzero Puiotik
arratsaldeko 6etan irtengo da eta Etxadin ume guztiekin bilduko
da. Aukera ona izango da zuen seme-alabek ikastolan ikasitako
kantuak praktikatzeko. Parte hartzera animatzen zaituztegu!
-
Gero Axular Dantza Taldeko umeek ere Donostia
Jaiak 24an ilunabarrean antolatzen duen desfilean parte hartuko
dute.
-
Antigua auzoan 23an Olentzerori ere harrera
egingo zaio. Pio Barojako zuhaiztitik arratsaldeko 7etan abiatuko
da.
Axular.net webgunean hile honetan izan diren berrikuntzak
azalduko dizkizuegu.
---------------------------------
:: Argazkiak
::
Argazki-album berriak: San
Sebastian Gastronomika, LH
1. zikloko haurrak Txiki Parken, Bianditzera
txangoa, Cristina
Enean, Erdi
Aroko dantzak, antzerkia
euskararen egunean, euskararen
eguna Txiki Parken, txikienak
Ondarretan, Mari
Domingi ikastolan, ipuin-kontalaria,
euskararen
eguna eta Overclock
Axular Barcelonara!
:: Albisteak
::
-Webgunea
beste zerbitzari batera migratu dugu abiadura eta kalitatea hobetzeko
asmoz. Ikasgela Birtualean ere (www.axular.eu)
mantenu-lanak egin ditugu. Hori guztia dela-eta, baliteke prozesuan
zehar, hau da, abenduko lehenengo egunetan, arazo txiki batzuk sumatu
izana.
-Ikastolako irakasle eta Batxilergoko koordinatzailea
den Xabier Insaustik gure ingurumen-proiektuak
EFQM kalitate-ereduarekin dituen loturak azaldu zituen BECen irakaskuntza-kooperatibek,
ERKIDEk, antolatuko bilkuran. Albistea
hemen azaltzen dugu.
-DBH
3ko ikaslea den Xabier Tilvesek Kutxaren sari bat
lortu du bideo motz baten gidoiarengatik.
-Axularreko
Euskara Taldeak euskararen egunean aholku batzuk eman zizkigun.
-Nahikari Alijostes eta Jon
Mikel Azpiroz ikasle ohiek karrera-amaierako sariak lortu dituzte.
Hona
hemen informazioa.
-Gure
ikasleek Donostiako Agenda 21eko foroan parte hartu dute udaletxean.
-Aurten
ere Bigarren Hezkuntzako ikasleek India eta Afrikako 12 ume aitordetu
dituzte.
-Abenduaren
22an Gero Axular Dantza Taldeak, belaunaldien arteko programako
batxiler 1eko ikasleekin batera, Zorroagako elizan jaialdi bat antolatu
du. Donostiako aitona-amona guztiak gonbidatuta daude, bereziki
ikastolako familienak.
-Mari
Domingik ikastola bisitatu du.
-Bigarren Hezkuntzako 10 ikaslek (Nerea Alkorta,
Andrea Arretxea, Ana Mendiluze, Javier Garminde, Imanol Pérez,
Andoni Ezeiza, Aitor Gastaminza, Jon Ezeiza, Eneko Pérez,
Haitz Olaberri eta Javier Gaztelumendik) osatutako eta Josetxo Sanchez
eta Pili Merinok zuzendutako Overclock
Axular Taldea Zamudion ospatu den First
Lego League Euskadiko txapelketan Barcelonako estatuko finalerako
sailkatu egin da bere proiektu zientifikoarengatik. Albistea
hemen sakontzen dugu.
Eguberri eta urte berri on!
Overclock Axular Taldeko kideek Zamudion jasotzen
kopa eta dominak.
Legezko
oharra: Mezu
hau eta berarekin batera izan litzakeen dokumentuak informazio
pribatu eta konfidentziala daukate, soilik hartzaileari zuzenduta
daudenak. Mezu honen jatorrizko hartzailea ez bazara eta bere
bitartez aipatutako informaziora iritsi bazara, mezua ezabatu
eta jakinaraz iezaguzu, mesedez. E-mailen igorketak ez du bermatzen
mezua segurua edo akatsik gabekoa izan dadin. Hori dela eta, ezin
dugu ziurtatu informazio osoa eta guztiz zehatza izatea. Edozein
kasutan, Axular Lizeoak ez die inolaz ere zure helbide eltronikoa
hirugarren pertsonei emango.
