GURASOEN BULETINA (21)
Guraso agurgarriok:
Urte berriak berri ona dakarkigu. Euskalitek,
kalitaterako euskal iraskundeak, antolatutako Kudeaketa Praktika Onen
2. Topaketan azaldu genuen "Web ataria: komunikazio- eta pedagogia-tresna"
izenburuko aurkezpenak 2005eko
praktika onenaren saria merezi izan zuen. Topaketan EFQM kalitate
agiria duten era guztietako entrepresek parte hartzen zuten. Hori
dela eta, bereziki pozgarria deritzogu errekonozimendu honi. Gainera,
bigarren saria beste ikastola batek eskuratu zuen, Ordiziako Jakintza,
alegia. Jakintzako lagunek euskararen irakaskuntzan webloga nola erabiltzen
ari diren azaldu zuten.
Sari berri honek teknologia berrien erabilpena irakaskuntzan erabiltzera
animatzen gaitu. Gutxi barru zenbait proietu berririren aplikazioaz
informatuko dizuegu. Horrekin lotuta, datubaseen aldaketak direla
eta, baliteke hurrengo egunetan eremu pribatuetan eta urtebetetzeen
moduluan arazo txikiak gertatzea. Aldez aurretik barkamena eskatzen
dizuegu.
Besterik gabe, Axular.net-eko
azken berrikuntzak azaltzen hasiko gara.
---------------------------------
:: Argazkiak
:: Album berriak: Antzerkia
LH 4n, LH
1 eta 2ko haurrak Txiki Parken, Olentzero
Ikastolan eta Gabonetako
jaialdia Matia Fundazioan.
:: Guraso
Eskola :: 25ean guraso eskola berriz martxan hasiko da,
oporraldiko etenaldiaren ondoren. Hitzaldia "Haurrei ipuinak
nola kontatu" izango da. Juan Carlos Alonsok, psikologo eta orientatzaileak,
azalduko digu. Hemen
hitzaldien egutegia, eta hemen
aurreko hitzaldietako laburpenak aurkituko dituzue.
:: Danborrada
:: Danborradaren azken entseguak egiten ari dira. Hemen
gure danborradari buruzko informazio orokorra aurkituko duzue. San
Sebastian bezperan txikiek auzoan eta Ikastolan ospatuko dute. Batxilerreko
bolondresek eta haur danborrada ofizialak Matia
Fundazioan egongo dira, eta San Sebastian egunean bertan tradiziozko
bi danborradak izango ditugu, hots, haurrena eta helduena. Aurten
berrikuntza moduan, Geroko
dantzariek helduen danborradari lagunduko diote Aieten zehar.
---------------------------
-Urtarrilaren lehenengotik indarrean dagoen tabakoaren
aurkako legearen arabera, ezin da Ikastola osoan erre, ezta kanpoaldeko
eremuan ere. Albistea eta lege osoaren testua hemen
dago.
-Bruesa
Gipuzkoa Basket taldeko jokalariek Ikastola bisitatu eta Lehen
eta Bigarren Hezkuntzako ikasleekin hitz egin zuten. DBHko lehenengo
zikloan jokalari amerikarrak ingelesez elkarrizketatu zituzten. Guztiek
jokalari profesional baten bizimodua nolakoa den ezagutu, autografoak
eskatu eta argazkiak beraiekin atera zituzten. Bruesa taldeak Mallorcaren
kontrako partidarako gonbidapenak banatu zituen. Partida txukuna jokatzeaz
gain, irabazi eta Sahararrentzako janaria bildu zuten Bruesako lagunek.
Albistea hemen
zabaltzen da. Argazki
albuma ere ikus dezakezue.
-Gero Axular Dantza Taldeak webgune berria dauka.
Hemen aurkituko
duzue. Gainera, otsailaren 5ean, igandea, Sasi Artean ikuskizuna Egiako
Gasteszenan erakutsiko du. Ez ezazu aukera hau galdu. Hemen
ikuskizunaren argazki batzuk aurkituko dituzue, eta hemen
bideo motz bat dago.
-Gure ikasle ohia eta ikastolako entrenatzailea den
Lorena Orozkok Bizenta Mogel narratiba lehiaketa irabazi du. Ez da
Lorenaren lehen saria, Koldo Mitxelena bi alditan irabazi zuen eta.
Zorionak!
Albistea hemen
zabaltzen dugu. Lorena zoriondu nahi baduzu, gure iragarki-taula
erabil dezakezu..
Hurrengora arte.
Txalapartariak, adarjolea eta akerra olentzeroaren
zain
Legezko oharra: Mezu hau eta berarekin batera izan litzakeen dokumentuak informazio pribatu eta konfidentziala daukate, soilik hartzaileari zuzenduta daudenak. Mezu honen jatorrizko hartzailea ez bazara eta bere bitartez aipatutako informaziora iritsi bazara, mezua ezabatu eta jakinaraz iezaguzu, mesedez. E-mailen igorketak ez du bermatzen mezua segurua edo akatsik gabekoa izan dadin. Hori dela eta, ezin dugu ziurtatu informazio osoa eta guztiz zehatza izatea. Edozein kasutan, Axular Lizeoak ez die inolaz ere zure helbide eltronikoa hirugarren pertsonei emango.
Buletin hau berriro jaso nahi ez baduzu hemen klikatu eta e-maila bidali.
