Gure ikastolak Algorithmics-en irakasteko metodologia eta plataforma aukeratu ditu, 2021-22 ikasturtetik aurrera, lengoai konputazionalean eta programazio logikoan gure curriculum plana indartzeko.

8 eta 11 urteen arteko haurrentzat diseinatutako Algorithmics-en Akademia Martzianaren ikasturte osoa hartuko dugu, eta curriculumaren edukiaren barruan, Lehen Hezkuntzako 5. mailan emango dugu. Horrez gain, Algorithmics-ekiko kolaborazioak Bigarren Hezkuntzako ikasleentzako eskolaz kanpoko Python eta Python Pro programazio-tailerrak antolatzea ahalbidetuko digu.

Algorithmics-en ikastaroko metodologia eta plataforma sartzea erabaki dugu, proba pilotuetan ikusi eta probatu baititugu bai edukiak, bai irakaskuntza-metodologiak eta norbanakoaren garapenerako on line plataformak lagunduko digutela egiaztatu baitugu konputazio- eta programazio-gaitasunen aldeko apustua indartzen.

Argazkian, Donostiako Algorithmics-en arduraduna den Iván Aramayo eta Aitor Uriondo kolaborazio-hitzarmena sinatzeko unean.